English బ్లాగులను ఎక్కడ పోస్టు చేయవచ్చు

కూడలి లో తెలుగు బ్లాగులు మాత్రమే చేర్చబడతాయి అని "కొత్త బ్లాగు చేర్చండి" లంకె లో అడ్మిన్ గారు చెప్పారు.
కానీ కూడలిలో English అనే లంకె అందులో English బ్లాగులు ఉన్నాయి మరి...

మన English బ్లాగును అందరూ చూడాలి అంటే ఎవరికి రాయాలి...?

మీకు తెలిస్తే నాకు చెప్పండి ప్లీజ్.....

గ్యాస్ చుక్క కన్నీటి చుక్కాయెనా...!

పెరుగుతున్న గ్యాస్ ధరలు చూస్తుంటే గుండె దడ పుడుతుంది.
ఇప్పుడు $4/గ్యాలన్ ఉన్న గ్యాస్ ఇలాగే పెరుగుతూ పొతే ఆకాశాన్నంటుతూ $8/గ్యాలన్ అయినా ఆశ్చర్యపొనక్కర్లేదేమో ......


దీనికి కారణం ఎక్కడో జరిగే ఆందోళనలే అయినా , ఇక్కడ మనల్ని కూడా కల్లోల పరుస్తున్నాయి  అంటే అతిశయోక్తి కాదు..


ఇటీవల మా కజిన్ వాళ్ళు కారు కొనుక్కుంటుంటే మేము వెళ్ళాము.


ఆ కారు అమ్మే పెద్దమనిషి అంటారు "మా కాలంలో అయితే 80 సెంట్లకి గ్యాలన్ చొప్పున $8 కి టాంక్ నిండిపొయేది" అని


మరి రాబొయే కాలం చూస్తుంటే $80కి అయినా టాంకు నిండేనా....? 


ఇదో మిల్లియన్ డాల్లర్ల ప్రశ్నగా మారింది...    

నచ్చిన జోకు.....

నేను ఈ మధ్య చదివిన వాటిలో నాకు నచ్చిన జోకు...


కుర్రాడు : నాకు ఏ అమ్మాయిని చూసినా మల్లె, సన్నజాజి తీగల్లా కనిపిస్తున్నారు....
వివాహితుడు : ఆ... వాళ్ళే ఆఫ్టర్ మారేజ్ కందిరీగ, కరెంటు తీగల్లాగా కనిపిస్తారు.....

సంక్రాంతి శుభాకాంక్షలు.....

బ్లాగరులందరికీ సంక్రాంతి శుభాకాంక్షలు.....

సంక్రాంతి గురించి నేను ఇదివరకు వివరించిన పోస్ట్ ఇక్కడ జతపరుస్తున్నాను...

సంక్రాంతి

కొత్త సంవత్సరం...నూతనోత్సహం

కొత్త సంవత్సరం...


వస్తున్నది అని తెలియగానె ఏదో తెలియని ఉత్సాహం....
ఎన్నో ఆలొచనలు... ఏవేవో ఆశయాలు....


రాగానే ఎందుకో తెలియని ఆనందం.....
ఇది ఇలా చెద్దాం... అది చేయడం మానెద్దాం...
ఈ సారైనా కొన్ని తప్పక పాటిద్దాం...
మన జీవితంలొనే కొత్త మార్పులు తెద్దాం...
అని ఎన్నో ఎన్నెనో కలలు, ఎవో తెలియని ఆశలు....


కాని నిజానికి... అవి ఎప్పటికప్పుడు మారే భావాలే
అని తెలుసుకునే ప్రయత్నం చెయ్యము....


ఇలా రోజులు దొర్లుకుంటూ పొయేసరికి....


"మనం అనుకున్నవి జరగవు.... జరిగేవి జరగక మానవు..."    అనే నిజాన్ని తెలుసుకుంటాం.....


అయినా మనము మనుషులం ..... ఆశావాదులం...


కొత్త సంవత్సరాన్ని చూడగానే...... ఏదొ తెలియని నూతనోత్సహంతో  మళ్ళీ నూతన సంవత్సరానికి స్వాగతం పలుకుతాం....


మీకు, మీ కుటుంబ సభ్యులందరికీ నూతన సంవత్సర శుభాకాంక్షలు


(కాస్త ఆలస్యంగానే.....)

క్రిస్టమస్ సెలవలు - తీపి గుర్తులు

క్రిస్టమస్ అనగానే  నాకు గుర్తుకొచ్చేవి సెలవలు.....

హఫ్-ఇయర్లీ పరీక్షలయ్యాక క్రిస్టమస్ పండగకి వచ్చే 10 రోజుల సెలవలు..... 
కొన్ని రొజుల వ్యవధితో సంక్రాంతి సెలవలు... ఇంకా కొన్ని రోజులు ఆగితే ఒక్క పూట బడులు... 
మరి కొన్ని రోజులకే సమ్మర్ హాలీడేస్.....

ఇలాగే గడిచిపోయింది బాల్యం...

మాది కాన్వెంటు స్కూలు కావటాన పరీక్షలు అయిపొయాక ఆఖరి రోజున స్కూల్లో క్రిస్టమస్ పండుగ మీద స్కిట్  చేసి చూపించేవారు..

చిన్న పిల్లలం కదా... అది ఎప్పుడు అయిపొతుందా ఎప్పుడెప్పుడు ఇంటికి వెల్దామా అని అనిపించేది...

కానీ మా టీచర్లేమొ 10 రోజులకు సరిపడా హోంవర్క్ ఇచ్చేవాళ్ళు అంతా రాత పనే...

మనమెమో రెండో రొజే అమ్మమ్మ దగ్గరికి తుర్రుమనేవాళ్ళం...

మళ్ళీ సోమవారం స్కూలనగా శనివారం ఇంటికి వచ్చేవాళ్ళం....

తీసుకెళ్ళడానికి అన్ని పుస్తకాలు అమ్మమ్మ దగ్గరికి తీసుకెళ్ళినా ఒక్కటీ తెరిచిన పాపాన పోము...

ఇక అమ్మే ఒక లెక్చరరు అనుకోండీ మా పరిస్థితి ఎలా ఉంటుందో ఆలోచించండీ..

బడిత పూజ ఖాయం.....

ఆ హొంవర్కులేమో ఎంత రాసినా పెన్నులు అరిగి పోవలసిందే కాని అవి అయిపోయి చావవు...

సొషలు టీచర్ ఏమొ మేమెదో పెద్ద గొప్ప కొలంబస్ లమైనట్లు...... తెలియను మాపులన్నీ చెప్పి... అవి కొని దేశాలు,  వాటి రాజధానులు అన్నీ రాసుకు రమ్మనేది...

మనకేమొ ఆ అట్లాసు అంతా తిరగేసినా ఆమె చెప్పిన కొన్ని పేర్లు దొరకవు... మన అట్లాసు కూడా ఏ అక్కదో , అన్నయ్యదో ఐతే అందులో కొత్త దేశాలు కనపడవు... ఇక చూడండి తంటా.. స్కూలుకెళ్ళంగానే స్నేహితులందరిని నీకు దొరికిందా అంటే నీకు దొరికిందా అని మాపు పట్టుకు తిరుగుతాం...

సొషలు ఒక్కటే కాదు అన్నింటిలోను ఒక్కొక్క తంటా...

చెప్పుకుంటూ పొతే పండగ వాతావరణం ఉండదంటా...

అందుకే .... ఇక్కడితో ఈ నా రాత ఆపి... చెబుతున్నా మీ అందరికీ

క్రిస్టమస్ శుభాకాంక్షలంటా...

        

  MERRY CHRISTMAS FRIENDS...........

Train Signal - Telugu

నా చిన్నప్పుడు మా నాన్నగారు నన్నెప్పుడూ ఏదో ఒక చిక్కు ప్రశ్న అడుగుతూ ఉండేవారు...
అయ్యుదంకుడు ఏ సమాసము...?  త్పృవ్వటబాబా అంటే ఏంటీ?  ఇలాంటివి అన్నమాట...


నాకు బాగా గుర్తున్నది(సమాధానం తో పాటుగా) Train Signal ని తెలుగులో ఏమంటారు ?


"ధూమశకట గమనాగమన యాతాయాత సూచిక "  


నేను గూగుల్ కొట్టినా ఈ సమాధానం ఎక్కడా కరెక్టుగా దొరకలేదు (రాయలేదు) అందుకే ఇక్కడ రాస్తున్నను..